Equinor және оның серіктестері Норвегияның Баренц теңізіндегі Johan Castberg аймағында жаңа мұнай кен орнын тапты.

Johan Castberg — биылғы наурызда пайдалануға берілген ірі мұнай кен орны. Жаңа ашылым Skrugard North Tuben құрылымында, Johan Castberg негізгі ұңғымасынан шамамен алты шақырым солтүстікте орналасқан. Норвегияның оффшорлық директорат мәліметінше, жаңа учаскенің қоры 7,6-дан 10,5 миллион баррель мұнай эквиваленті аралығында бағаланып отыр.

Жаңа кен орнын Johan Castberg инфрақұрылымына қосу мүмкіндігі қарастырылуда.

PL 532 лицензиясының иелері: Equinor операторы (үлесі 46,3%), Vaar Energi (30%) және Petoro (23,7%). Жаңа учаскеде бұрғылау жұмыстары Transocean Enabler жартылай батырылатын қондырғысы арқылы 361 метр тереңдікте жүргізілді.

Жылдың бірінші жартысында Johan Castberg-де өндірісте үзілістер болды. Vaar Energi-дің екінші тоқсандық есебінде қалқымалы өндіру және сақтау кемесіндегі тиеу шлангісіне қатысты мәселелер болғаны, олар қаңтар айының басында шешілгені айтылды. Алайда екінші тоқсанның соңында FPSO-дағы электрмен жабдықтау жүйесіндегі ақауларға байланысты өндіріс қайтадан тоқтатылды. Бұл мәселелер жойылғаннан кейін өндіру шілде айының ортасында қайта басталып, қазір тұрақты деңгейде жүріп жатыр.

Vaar Energi-дің Johan Castberg-дегі тәуліктік таза өндірісі екінші тоқсанда 60 000 баррель мұнай эквивалентін құрады, бұл жалпы тәуліктік өндірістің шамамен 200 000 баррельге тең екенін көрсетеді.